Досега 28 лица затруени во сендвичарницата „Седмица“

20.08.2017 | 13:50
Прочитано: 3420

На клиниката за инфективни болести во Скопје денеска се прегледани двајца пациенти затруени со храна од сендвичарницата „Седмица“ во Лептокарија, а стабилна е состојбата на хоспитализираните шест од 26 лица кои завчера и вчера побарале помош откако јаделе во оваа сендвичарница. Прегледаните пациенти од утрово не се задржани в болница, информираат од Клиниката за инфективни болести. Таму вчера се прегледани 14 пациенти, а само еден е примен на болничко лекување.

Од завчера со симптоми на труење по консумирање храна од „Седмица“ за преглед на клиниката се јавиле вкупно 28 лица, од кои тројца се префрлени во ГОБ „8-ми септември“. Сендвичарницата е затворена, а по налог на санитарната инспекцијата треба да се изврши нејзино темелно чистење, како и дополнителни здравствени прегледи на сите вработени.


The content of this field is kept private and will not be shown publicly.
Image CAPTCHA
Enter the characters shown in the image.