Фудбал У-21: Пораз на Македонија од Австрија

14.11.2017 | 15:18
Прочитано: 532

Македонската репрезентација составена од фудбалери до 21 година попладнево на „Филип Втори“ во Скопје е поразена од соодветната селекција на Австрија со 4:0.

Стрелци на головите беа Арнел Јакуповиќ (два), Матијас Хонсак и Конрад Лаимер.

За Македонија најголемата шанса за гол ја пропушти Бекир Исени кој не реализира пенал во 85. минута.

Австријците мечот го решија уште во првото полувреме по кое водеа со 3:0.

По овој пораз (вкупно трет), избраниците на селекторот Благоја Милевски речиси ги загубија сите шансите за освојување на една од првите две позиции во групата и пласман на Европското првенство 2019 во Италија.

Од оваа квалификациска група денеска Србија на гостински терен ја победи Ерменија со 1:0.

Табела 7-група: Србија 15 бода (5 натпревари), Русија 10 (5), Австрија 9 (5), Ерменија 7 (7), Гибралтар 3 (6), Македонија 3 (4).


The content of this field is kept private and will not be shown publicly.
Image CAPTCHA
Enter the characters shown in the image.