Кариќ преговара со Џулија Робертс за улога во филм за неговото семејство

03.08.2017 | 12:52
Прочитано: 1827

Српскиот бизнисмен Богољуб Кариќ и понудил на холивудската глумица Џулија Робертс улога во филмот за неговоото семејство, што се уште е во претпродукција.

„Вистина е дека преговараме. Една од идеите е Џулија да ја толкува улогата на мојата сопруга Миланка, и покрај тоа што Миланка претпочита ролјата да и припадне на Катрин Денев или Шерон Стоун. Во тој случај, Џулија би ја одглумела снаа ми Маријана“, открива Богољуб Кариќ за белградски „Новости".

Буџетот за филмот е не помалку од пет милиони евра.

Семејството Кариќ важи за едно од најбогатите во Србија. Тие беа мнозински сопственици на првата компанија за мобилни телефони во земјата, „Мобтел" и имаат бизнис врски со руски конгломерати. Богољуб Кариќ беше близок и со поранешниот српски претседател Слободан Милошевиќ.

Џулија Робертс минатата седмица престојуваше во Белград заедно со своето семејство. Се говори и дека нејзиниот сопруг, сценаристот и режисер Даниел Модер работи на проект во Белград.


The content of this field is kept private and will not be shown publicly.
Image CAPTCHA
Enter the characters shown in the image.