Новогодишен концерт на Македонската опера и балет

01.01.2017 | 09:43
Прочитано: 3056
Македонската опера и балет вечер од 20 часот ќе одржи новогодишен концерт насловен „Руска бајка“ на кој ќе бидат изведени дела од познатите руски композитори Прокофјев, Чајковски, Шостакович, Рахмањинов, Фомин, Герман, Пендерецки, Ларионов и Римски-Корсаков.
 
Ќе учествуваат и балетскиот ансамбл и оркестарот на Македонската опера и балет, кој ќе го води диригентот Иван Еминовиќ. Режисер на концертот е Трајко Јордановски, а кореограф Саша Евтимова.
 
Гостинка на концертот е украинската сопранистка Тамара Калинкина, која ќе настапи со баритонот Борис Трајанов и тенорот Дарко Нешовски, како и балетските солисти: Мими Поп Алексова-Атанасовска, Марија Кичевска Шокаровска, Ивана Коцевска, Бобан Квачевски, Дојчин Дочев од Бугарија, Игор Веланоски, Дафина Данилоска-Кочевска, Маја Митровска-Богојевска, Марина Анастасовска и Билјана Басмаџиева. 

The content of this field is kept private and will not be shown publicly.
Image CAPTCHA
Enter the characters shown in the image.