Празнична програма со два концерта и проекција на филм на „Охридско лето“

02.08.2017 | 10:52
Прочитано: 1647

Фестивалот „Охридско лето“ како најголема и најреномирана музичко-сценска манифестација во земјата за празникот 2 Август – Илинден нуди богата програма со повеќе содржини.

Музичкиот дел предвидува два концерти во катедралната црква „Света Софија“, на т.н. „Шведска вечер“ со настапот на двете сопранистки Билјана Стафансон и Лилјана Јовановиќ во пијано придружба на нашата уметничка Марија Вршкова, како и концертот на српската пијанистка Сандра Јакоповиќ.

На програмата на нивниот концерт предвиден за од 20:30 часот е музика од кралското семејство Бернадот.

Сцената на црквата „Света Софија“ од 22 часот е резервирана за концертот на српската пијанистка Сандра Јакоповиќ.

Празничната програма на „Охридско лето“ за вечерва предвидува и проекција на документарно-играниот филм „Бисер“ посветен на охридскиот бисер, тајната на неговата изработка и чии се грла краси тој препознатлив охридски бренд.

Филмот е во продукција на „Браќа Кумев“, а е финансиран од семејствата Филеви и Талеви кои го имаат рецептот за изработка на охридскиот бисер и го пренесуваат на своите потомци.

Документарно-играниот филм „Бисер“ го обработува периодот од 1924 до 1930 година кога рускиот емигрант, белогардеецот Јован Субанович, им ја пренел тајната на правењето оригинален бисер на предците на семејствата Филеви и Талеви.

Во играниот филм учествуваат актерите Владо Јовановски, Љупчо Тодоровски –Упа, Стрезо Стаматовски и други.

Проекцијата ќе се одржи во кино-салата на Центарот за култура „Григор Прличев“, со почеток во 20 часот.


The content of this field is kept private and will not be shown publicly.
Image CAPTCHA
Enter the characters shown in the image.