Скршените телефони се минато, научниците пронајдоа супер флексибилен дисплеј

28.10.2017 | 13:44
Прочитано: 5084

Пукањето на дисплејот од мобилните уреди е минато затоа што британски научници изумија евтин, флексибилен дисплеј од сребро и графен. Научниците од Универзитетот во Сасекс открија дека е можно да се комбинираат графен–материјал направен од еден слој јаглеродни атоми, со сребрени наножици, за да се направи дисплеј кој изгледа вообичаено, но е поотпорен.

Освен тоа, овој материјал е многу флексибилен што значи дека на паметните телефони нема да им треба заштитно стакло затоа што горниот слој ќе биде составен од материјал кој е свитлив и помалку кршлив.

„Актуелните дисплеи се изработени од индиум калиев оксид (ITO). Овој материјал е многу кршлив и мора да се нанесе на силна и тврда стаклена површина. Тој слој пука ако го пуштите телефонот на тврда подлога или случајно седнете на него. Затоа нашиот пронајдок е добар оти не му треба тврда стаклена површина“, вели Метју Ларџ, главен пронаоѓач на проектот.

Иако среброто е редок метал, во комбинација со графенот е потребна мала количина за премачкување. Графит, минерал од кој е направен графенот, има во големи количини што значи трошоците за изработка на дисплејот се значително помали.

Истражувањето е објавено во магазинот American Chemical Society Langmuir.


The content of this field is kept private and will not be shown publicly.
Image CAPTCHA
Enter the characters shown in the image.