Уапсени осум осомничени за убиството на малтешката новинарка Дафне Галиција

04.12.2017 | 11:40
Прочитано: 1640

Малтешката полиција уапсила осум осомничени за убиството на новинарката Дафне Каруана Галиција, соопшти премиерот на Малта, Џозеф Мускат.

Апсењата се извршени речиси два месеци откако новнарката беше убиена со бомба поставена во нејзиниот автомобил.

Сите уапсени се државјани на Малта и повеќето имаат криминално досие, изјави Мускат без да соопшти други детали.

Полицијата има рок од 48 часа за распит на осомничените по што треба да покрене обвиненија или да ги ослободи.

Каруана Галиција (53) беше убиена на 16 октомври. Таа водеше многу популарен блог на кој постојано објавуваше за можни случаи на корупција на високи политичари, без разлика на нивната партиска припадност.


The content of this field is kept private and will not be shown publicly.
Image CAPTCHA
Enter the characters shown in the image.