Во Македонија ќе се снима тв серијата „Сенките над Балканот“ во режија на Драган Бјелогрлиќ

04.05.2017 | 19:40
Прочитано: 5725
Сцени од телевизискиот серијал „Сенките над Балканот“ по концепт и во режија на Драган Бјелогриќ, почнувајќи од 7 мај ќе се снимаат на локации во Преспа и околината на Битола.
 
Станува збор за меѓународна копродукција меѓу Кобра филм Србија, Скопје филм студио Македонија и Искра-Москва Русија. Претходно имаше снимање на повеќе локации низ Србија, еден дел во студиото „Баранда“, а екипата ќе работи и во Црна Гора и Русија, соопштија од Скопје филм студио.
 
Епизодите базираат на сценарија напишани од повеќе автори: Драган Бјелогрлиќ, Даница Пајовиќ, Дејан Стојиљковиќ, Владимир Кецмановиќ, а со главниот режисер на серијалот, на дел од епизодите ќе работат и Коста Ѓорѓевиќ, Данило Бечковиќ, Срѓан Спасиќ, Мирослав Лекиќ и Игор Иванов.
 
Улогите во „Сенките над Балканот“ ги толкуваат Драган Бјелогрлиќ, Андрија Кузмановиќ, Марија Бергам, Горан Кичиќ, Ненад Јездиќ, Бранимир Брстина, Слободан Бода Нинковиќ, а од Македонија играат актери: Тони Михајловски, Перо Арсовски, Јана Стојановска, Аксел Мехмет, Никола Ристановски, Петар Мирчевски и Дениз Абдула.
 
Како копродуценти на серијалот со свое учество се вклучија и Радиотелевизија Србија, Радиотелевизија Република Српска и Македонската радиотелевизија. Серијалот е финансиски поддржан и од страна на Агенцијата за филм на Република Македонија.

The content of this field is kept private and will not be shown publicly.
Image CAPTCHA
Enter the characters shown in the image.