Османи за Радио Слободна Европа: Граѓаните се солидаризираат со Македонците поради директниот атак врз националните атрибути
Foto

Османи за Радио Слободна Европа: Граѓаните се солидаризираат со Македонците поради директниот атак врз националните атрибути

- Ако има еден колатерален позитивен ефект од оваа блокада, тоа е дека граѓаните се сплотија во солидаризирање во случајот кон македонскиот народ, бидејќи на некој начин под директен атак се неговите национални атрибути и тука се покажа вистинската слика на Република Северна Македонија за која што треба да се гордееме, вели министерот за надворешни работи Бујар Османи во неделното интервју за Радио Слободна Европа.

Во интервјуто, Османи нагласува дека се додека одлуките за проширување се носат со консензус, Бугарија може да не блокира за кое било прашање, па дури и за тоа дали реката Вардар е чиста или не.

На прашањето, за што точно се разговара со Бугарија, Османи вели дека прашањето е комплексно и посочува дека во предлог преговарачката рамка даден од комисијата до земјите членки, Бугарија спори три прашања - името, јазикот и гаранцијата за спроведување на договорот.

- Тоа се прашања кои ги третира Португалското претседателство со последниот предлог кој што ние го сметаме како добра основа за надминување на разликите и работиме сите заедно во однос на тој предлог, вели Османи.

Во преговарачката рамка, појаснува Османи, има една реченица со техничко значење во која што стои дека „акито“ ќе се преведе на македонски јазик.

- Бугарија смета дека треба да се користи формулацијата од Договорот од 2017 година која што беше една реципрочна билатерална формулација за јазикот во кој што бугарскиот јазик беше напишан како бугарски јазик според Уставот, а македонскиот беше напишан како македонски јазик според Уставот или вториот пристап да се дефинира историскиот контекст на создавање на јазикот во некој билатерален договор. Така што да, спорен од нивната страна е тој момент за кое што Португалското претседателство има решение за кое ние сметаме дека е добра основа, вели Османи.

0 Коментари

Остави коментари