Продолжува трендот на намален број на заболени од Ковид-19
Foto

Продолжува трендот на намален број на заболени од Ковид-19

Во државата веќе неколку денови по ред се бележи тренд на намален број на новозаболени од Ковид-19. Во вчерашната статистика од Министерството за здравство беа регистрирани осум новозаболени, а немаше починати пациенти.

Вкупно 3.265 тестирања беа направени во текот на вчерашниот ден. Од осумте новозаболени, тројца заразени се во Скопје, во Струмица двајца, a Куманово, Велес и Кичево по еден.

Притоа, регистрирани се 72 оздравени пациенти, и тоа од Скопје 23, Куманово, Прилеп и Кичево по 7, Гостивар и Охрид по 6, Битола – 5, Тетово – 4, Радовиш – 3, Штип – 2, Струмица и Дебар по 1.

Досега во земјата се направени вкупно 854.673 тестирања на Ковид-19.

Вкупниот број Ковид-дијагностицирани лица во земјава од почетокот на епидемијата изнесува 155.624.

Бројот на оздравени пациенти е 149.862, а на починати е 5.475. Има вкупно 287 активни случаи.

0 Коментари

Остави коментари