Во Белата куќа пристигна божикната елка
Foto

Во Белата куќа пристигна божикната елка

Во Белата куќа денеска пристигна божикната елка, што според традицијата е примена од Првата дама на САД, Меланија Трамп.

Годинава, претседателската резиденција ќе ја краси ела четинар висока речиси шест метри, а снабдена од компанијата „Ден анд браун трис“ од Западна Вирџинија. Под звуци на божикни мелодии во исполнување на оркестар, дрвото беше донесено до северниот трем на Белата куќа на коњска запрежна кола.

Поради пандемијата, Првата дама излезе на тремот со маска. Изборот на елката за Белата куќа од 1969 година го прави специјална асоцијација. Со пристигањето на елката започнуваат и годишните празнични настани во Белата куќа.

Неделава треба да се изврши и уште еден празничен обред: Симболичното помилување на мисирка од страна на претседателот на САД. 

0 Коментари

Остави коментари