Емисии Емисии Емисии Емисии Емисии Емисии Емисии Емисии Емисии Емисии

Ударни вести

Интервју со академик Таки Фити, претседател на МАНУ


Зоран Заев и Кирјакос Мицотакис вечерва очи в очи во Солун. Прва средба по бриселското фијаско и топло-ладно пораките кои си ги пратија во однос на Преспанскиот договор. Емануел Макрон ниту по средбата со македонскиот колега без гаранции дека ќе го повлече ветото. Македонија во вторник повторно на маса во Европа - има ли реални шанси за поместување на позициите?

Анализираат првиот македонски амбасадор во Грција, Љупчо Арсовски и поранешниот вицепремиер за евроинтеграции и амбасадор, Васко Наумовски.


Оди ли државата на прав пат или на удолница? Враќањето на приказната за една изборна единица ветува демократија, но дел од партиите и од власта и опозицијата не сакаат да слушнат за кршење на монополот. Датумот за преговори подалеку па поблиску, ќе го добиеме ли конечно во мај?

Во 24 анализа дебатираат жестоките политички противници кои политичката арена ќе ја сменат со студиото на Анализа, Стојанче Ангелов и Филип Петровски.


Меторополата станува претесна.

Во еден станбен кварт сместени цели градови со десетици илјади жители. Центарот на Скопје под ембарго за градење. Машинеријата ќе се позиционира на север и на југ. Исцртани нови двеста згради, сто во Кисела вода, сто во Ѓорче Петров.

Општинските татковците тврдат – се е според законот. Што пишува во деталните урбанистички планови?

Дали ќе се загрози зеленилото, дали ќе запазат стадардите за паркирање, растојание меѓу зградите, катноста?

Дали покрај сувото изгоре и суровото? Дел од градежниците бројат штети поради мораториумите за градба. Имаат ли општинските власти концепт и визија за урбанизација?

Дали треба и што да се се гради? Ако треба - како? Ако не треба – зошто?

Аргументите ги соочуваат Филип Темелковски градоначалник на Кисела вода, Стефан Лазаревски урбанист, Јана Белчева, претседател на советот на општина Центар и Мартин Пановски, архитект.


Кога културата ја уништува политиката. Кога уметноста е најголем амбасадор на една земја. „Врба“ на Милчо Манчевски го освојува светот.

Во 24 анализа разговараме со Сара Климоска и Наталија Теодосиева главни ликови во најновото филмско остварување на Манчевски.


Македонската европска иднина на „стенд бај“. Ќе се врати ли Стево Пендаровски од Париз следната недела со бетонирано вето или пак Емануел Макрон ќе ја подотвори вратата за Македонија. Колку новиот француски план за проширувањето ќе биде почеток на крајот на Унијата каква што е, што ќе значи европското фијаско за Преспанскиот договор, како неизвесноста на надворешен план ќе се прелее во гласачките кутии на 12 април?

Дебатираат универзитетските професори Александар Спасеновски, Ненад Марковиќ и аналитичарот Ибрахим Мехмети. 


Од сигурно - вересија, од извесност - неизвесност, од безбедност – несигурност. Какви и кои се јавните и тајните сили кои ја туркаат земјава од трасираниот пат кон Запад? НАТО е обезбедено, но има и гласови кои бараат воена неутралност, најмоќната светска сила се мобилизира од Вашингтон и врши притисок врз Елисејската палата да ја прифати малата Македонија во Унијата. Домашните задачи пак едно напред, два назад, криминал, корупција, незадоволство.

Дебатираме со Ванчо Шехтански од ТМОРО, Исмет Рамадани, советник на премиерот за евроинтеграции и Благојче Атанасовски, политички аналитичар.


Избори се ближат – ветувања се нижат. Економски бум им се најавува на гласачите. Сите ветуваат – но што може да се оствари? Од 2008 година започнува ударничко темпо на задолжувања. Од 20,5 отсто долгот се дуплираше. Дали странските и домашните кредити ги донесоа очекуваните инвестиции, за што се трошеа парите? Граѓаните очекуваат патишта без дупки, гасификација, кавалитетна железница. Дали економијата нема капацитет за реализација на крупни проекти или сите досегашни власти немаа капацитет за оставрување на ветеното. Што и колку изгради актуелната власт? Зошто и како критикува ВМРО-ДПМНЕ?

Аргументите ги соочуваат Благој Бочварски – СДСМ и Синиша Ивановски ВМРО-ДПМНЕ – претседатели на партиските комисии за транспорт и врски.


Лажни вести и невозможно е откако една лажна вест ќе се рашири, таа да се спречи да се шири. Обично се сфаќа како вистините. Таквите вести не се секојдневние за нас, тие практично се проблем на глобалниот свет. Лажните вести најдоа свое место и во холивудската продукција каде Македонија беше оценета како земја на лажни вести.

Гости во 24 анализа се Вики Чадиковска, новинар, Дејан Георгиевски, Центар за развој на медиуми и Владимир Петревски, уредник за проверка на факти „Метаморфосиз“.


Зимата уште не дојдена, а Скопје е меѓу првите три најзагадени градови во светот. Кој загадува, зошто воздухот има отровен мирис, има ли инспекција на терен? Како да се реши скопскиот сообраќаен и урбанистички хаос, ќе помогнат ли новите сообраќајници, подземни премини, најавени рестрикции за возила, или скопјани ќе продолжат да се снаоѓаат како знаат и умеат? Излитената приказна за трамвајот повторно вратена, па заборавена. Две години од мандатот на скопскиот градоначалник Петре Шилегов, што направи, а што вети?

Дебатираат градоначалникот на Скопје, Петре Шилегов, Невена Георгиевска од О2 иницијативата како и професорот од градежниот факултет Зоран Кракутовски.