Емисии Емисии Емисии Емисии Емисии Емисии Емисии Емисии Емисии Емисии

Ударни вести

Каде оди македонската надворешна политика?


Македонија се крсти во гераманските експерти - што ќе донесе истрагата за пожарот во тетовската модуларна болница, во која живи изгореа 14 луѓе? Се обидува ли власта да ја заташка одговорноста - како што обвинува опозцијата? Колку тактизирањето со понудените оставки - ќе ја чини власта на избори? Со кое лице, по се што си кажаа од партиите меѓусебе, Зијадин Села ќе го повика членството да гласа за Христијан Мицкоски и обратно? Ќе станат ли „терористите“ од 27 април како што ги карактеризира Села, „уставобранители“ за опозицијата од албанскиот блок или пак „уставобранителите“ како што ги квалификува Мицкоски, - „терористи“ за македонската опозиција? Ќе има лидерски оставки - по евентуален пораз? Колку локалните избори ќе бидат вовед во нови предвремени избори?

Интервју со Зијадин Села, претседател на Алијанса за Албанците.


Жешки локални избори на есен. 297 кандидати за градоначалници. Само за Скопје 12 кандидатури. 546 листи за советници. Рекорден број на независни кандидати за градоначалник и советници. Дали независните ќе ја поматат математиката направена во партиските кујни? До вчера вербално војуваа - сега партнерски ќе освојуваат гласови. Дали меѓуетнички коалиции најавуваат здрав плурализам или се само маркетинг? Каде се очекува најсилната изборна битка на изборниот 17 октомври? За голем дел од општините и по повеќе од пет кандидати за градоначалници. Има ли некој шанса да извојува победа уште во првиот изборен круг?

Дебатираа политичките аналитичари Владимир Божиновски, Никола Спасов и Алберт Муслиу.


Македонија жали, кобниот 8. септември зави во црно 14 семејства. Како можеше ковид болница со пациенти во критична состојба да изгори до темел, за толку кратко време? Кој е виновен, чии се пропустите, ќе има ли кривична одговорност, но и оставка од министерот за здравство, Венко Филипче од морални причини.


По повод 3 децени независност специјална емисија во која преку оценките и ставовите на познати личности, политичари, новинари, аналитичари даваме осврт на успесите и неуспесите во брабата за самостојност и независност.


Претседателот на ВМРО-ДПМНЕ, Христијан Мицкоски во 24 Анализа. Прашуваме - пописот почна, која е пораката на најголемата опозициска партија до граѓаните, да ја отворат или не вратата на попишувачите? Коалиција со Алијанса - Алтернатива, дали Мицкоски и Села ги решија отворените прашања пред да склучат пакт? 

Дали ВМРО-ДПМНЕ предизборно ги консолидираше редовите? Зошто за Скопје поддржаа независен, наместо да делегираат свој кандидат? Што значи изборна победа за Мицкоски и колку изборниот резултат ќе биде значаен за можни предвремени парламентарни избори? 

За какви економски неуспеси и отсуство на реформи обвинува опозицијата?


Зошто собранискиот спикер Талат Џафери спротивно на Уставот реши да зборува на албански во Брисел? Ќе добие ли доверба од пратениците, кога и од СДСМ посочуваа на уставната одредба за јазикот? Ќе ја врати ли резолуцијата на ВМРО-ДПМНЕ за црвените линии без придавката „северна“?

По повеќедневен молк, во последната 24 Анализа за оваа сезона, интервју со Талат Џафери, претседател на Собранието.


Меркел тврди дека Европската унија не знаела дека Бугарија ќе ја блокира Македонија. Од преспа форумот балканските лидери и американските представници упатија силни критики врз политиката на Европската унија кон регионот. Што сакаат да постигнат Берлин и Париз со Балканот? Дали тие го блокираа проширувањето?

Дебатиравме со поранешниот амбасадор Ѓорги Мисајловски и директорот на Инстотутот Преспа Андреја Стојковски.


Бензините повторно поскапуваат. За годинава се планира инфлација околу 2.2.%, но гласно се отвара порашањето дали овие стапки на инфлација ќе се остварат? Во парламентот започна дебата за ребаланс на буџетот и креаторот на економските политики вгради амбициозни проекции  за раст, за реализација на капитални инвестиции. Го ситниме второто економско полугодие.

Гости беа Гордана Димитроска Кочовска од ВМРО-ДПМНЕ и Фатмир Битиќи, вицепремиер за економски прашања.