Емисии Емисии Емисии Емисии Емисии Емисии Емисии Емисии Емисии Емисии

Ударни вести

Растот на јавниот долг како опасност или шанса?


„Нема правда - нема мир“ беше слоганот на Шарената револуција, и под кој маршираа, и осудени, и адвокати, и политичари, барајќи правда во земјата означена како заробена држава. Четири години подоцна, дали правдата е достижна или новиот законски предлог за кој веќе се одржа една јавна расправа, ќе може нешто да помести. Дали овој предлог закон може да  постави нови граници во правниот систем кои ќе значат поддршка и равда за правосудството?

Гости беа адвокатот Звонко Давидовиќ, пратеникот Павле Трајанов и Александар Диневски една од жртвите на системот.


Промени во партиите на владејачката коалиција, затишје во опозицијата. Како најновите кадровски ротации во партиите ќе донесат нов квалитет во општествените политики? Ќе има ли промени во курсот на државата? Дали критиките на дел од граѓанското општество за начинот на практицирање на власта го натераа премиерот и лидер на СДСМ за поголеми резови, или станува збор за шминка која не може да го смени менталитетот во владеењето и креирањето политики?

На оваа тема дебатираа со Александар Кржаловски од МЦМК, професорот Самоил Малчески и аналитичарот Пеѓа Арсовски.


Нема преговори за ЕУ додека на маса се идентитетот и македонскиот јазик. Македонија заигра тврдо во Брисел или во нов обид да се смени бриселскиот дискурс. Можно ли е добивање датум за преговори или Софија и Скопје на крајот ќе мора да го решат проблемот? Во вакви услови, дали е можна македонска иднина без Европската унија? Дали се ближиме до Букурешт 2008 та, кога се направи клучен пресврт во тогашните владини политики?

Гости беа пратениците Тимчо Муцунски од ВМРО-ДПМНЕ и Моника Зајкова од ЛД. На скајп врска од Мадрид се јави Едмонд Адеми, советник на премиерот за надворешна политика кој го придружува владиниот состав во разговорите.


Нов закон за работни односи, недела неработен ден, државната помош за работниците, а не за компаниите, покачување на минималната плата - низа од прашања се надвиснати над работникот денес во Македонија. Синдикатите разединети, но со горе долу слични барања. Владата еквилибрира меѓу барањата на работниците и оние на газдите.

На иста маса, во 24 отворено, со синдикатите, работодавачите, владата. Дарко Димовски ССМ, Ангел Димитров организација на работодавачи, Фатмир Битиќи вицепремиер за економски прашања, Марјан Ристески, Конфедерација на Синдикални Организации на Македонија.


Дигитално образование, да или не? Реформа која како и сите претходни кренаа голема врева во јавноста. Дали повеќе кај родителите и невладините организации или кај децата и учениците? Се најавуваат бојкот и протести, а за потребата од дигитално образование овие денови се зборува гласно.

Гости во 24 Отворено беа министерката за образование и наука Мила Царовска, наставниците Гоце Бумбароски, Елизабета Секирарска, Јорданка Черепналкова Трајковска од Детската амбасада „Меѓаши“ и Драгана Спасевска.


На ден пред одлуката на Уставниот суд за оценка на уставноста на дел од законот за банки, штедачите на Еуростандард банка и јавноста во очекување - дали ќе има непристрасно оценување на судиите. Се бара фондот за осигурување на депозити да нема предност при наплатата од стечајната маса, туку тоа да бидат штедачите и другите правни лица во банката, но и да се елиминира границата од 30 000 евра. Само така велат, ќе биде задоволена правдата. „Нема правда, нема мир“ последните месеци стана мото на една група штедачи на пропаднатата банка

Гости во 24 Отворено беа се Љупчо Кузмановски, Билјана Ивановска од ДКСК и Слаѓана Тасева Транспаренси Интернешнал-Македонија.


Во емисијата „отворено“ се дебатираше за процесот на вакцинација во државата, за тоа колку е опасен британскиот сој, се отвори прашањето и дали се задоцни со новите рестрективни мерки, гостуваа проф. Д-р Аспазија Софијанова, директор на Детската клиника и Александар Петличковски, директорот на Институтот за имунологија. 


Во ек на пандемијата пред самиот почеток на вакцинацијата, вчера се случи и еден несекојнеден политички настан, во кој лидерите на партиите се согласија за сите точки кои беа предмет на нивните разговори. За многумина изненадување, за други не, а за трети резултат на напорите од дипломатските претставници.

Гости беа Ѓулистана Марковска, Исмет Рамадани и Зоран Димитровски


Додека криминалците се претставуваат себеси како жртви, политиката се обидува да ги окупира судските процеси, опозицијата обвинува за селективност и изживување. Направи ли системот грешки во чекори при апсењето на Камчев, предавањето на Мијалков, бегството на Груевски? Двајца од неколкуте најмоќни бизнис политички фигури во последната декада се зад решетки, по 4 години од смената на власта, почна ли да функционира правдата и правото во Македонија.

Во 24 Отворено со Гордан Калајџиев, Ване Цветанов, Александар Тортевски и Богданчо Гогов.