Емисии Емисии Емисии Емисии Емисии Емисии Емисии Емисии Емисии Емисии

Ударни вести

Полициската бруталност наспроти насилството врз полицијата


Речиси еден месец по гласањето на новата влада комплетиран и вториот ешалон во власта. Предложените кадри главно од коалициските партнери. Кој влезе, а кој извиси на заменичкиот воз? Што ќе донесат промените во партиското јадро на опозициската ВМРО-ДПМНЕ? Дали Мицкоски ќе успее да ја бетонира својата позиција или само ќе го разгори огнот на незадоволството во своите редови?

И на надворешен план, тектонски размрдувања. Земјава цврсто решена да стане просперитетна европска демократија. Меѓународната заедница дава поддржувачки сигнали за почетокот на пристапните преговори како еден од врвните приоритети на германското претседателство со ЕУ.

Непопустливост кон идентитетските прашања ги лутат Брисел и Берлин. Дали и што ќе прифати ЕУ како перцепција за историските вистини. Во отврено дебатира Сафет Бишевац, Љубиша Николовски и Алберт Муслиу.


Апсурди на македонската корона криза. Се функционира, само училиштата останаа затворени. Кога и дали ќе почнат учениците да одат на училиште? И најважното, како ќе се одвива наставата. Подготвени ли се професорите за онлајн предавања? Што од тоа ќе добијат учениците? Дали најавениот комбиниран модел е однапред осуден на неуспех?

Во 24 Отворено, со Мила Царовска, министерка за образование, Јаким Неделков од СОНК, Леона Крстевска Симеонова од здружението на средношколци и Мирјана Јовановска Стојановска, психолог.


Во екот на најголемата закана на општеството, коронавирусот дебатираме со Владо Бучковски, Љубомир Фрчкоски и Алберт Муслиу за превентивата, мерките кои се преземаат и дали треба да се прогласи вонредна или кризна ситуација.


Децата, учениците, средношколците и студентите од утре нема да посетуваат настава. Прифатени се препораките на комисијата за заразни болести и сите градинки, училишта и факултети ќе бидат затворени 14 дена. За децата да бидат дома, платено отсуство и во државниот и во приватниот сектор ќе добие по еден родител на помали од десет години. Владата објави сет од вкупно 19 дополнителни мерки, се забрануваат сите јавни настани и собири со повеќе од илјада учесници, додека за помалите собири се предлага одложување. Спортските натпревари во следниот месец ќе се одржуваат без публика. Се забранува извоз на медицински средства и материјали, се препорачува мирување дома за постари и хронично болни граѓани и нивно избегнување на јавен транспорт. Забранети се сите автобуски и транспортни линии кон ризичните земји дефинирани од Светската здравствена организација.

На овие теми во 24 Отворено зборуваа министерот за информатичко општество и администрација Дамјан Манчевски, др. Владимир Микиќ и Мицко Дудучки.


Дали партиите ќе понудат радикална промена на престојните предвремени парламентарни избори – колку и како ќе бидат застапени жените – идни пратенички? Има ли политиката страв од успешни жени? Дали министерките покажаа дека подобро делат правда, поквалитетно ги менаџираат јавните финансии, имаат стратегија во одбраната и поголем слух за социјалата? Дали освен пополнувањето „дупки“ во обврзувачката законска бројка, вистинската болка на македонското општество е што учеството на понежниот пол во политиката се гледа врз призмата на родова, етничка, партиска застапеност, а не по правилото - избор на професионалци. Зошто политичката кариера на жените речиси без исклучок е во сенката на партискиот лидер-маж.

Во 24 Отворено дебатираат: Санела Шкријељ, Лилјана Затуроска, Арта Биљали Зендели и Маја Морачанин.


Кога мечката игра во комшии, ќе влезе ли и во нашиот двор? Корона вирусот кој го исплаши светот се заканува на земјава и регионот. Во Хрватска регистриран првиот случај. Државата го подигна нивото на заштита и превенција. Здравствените власти смируваат – нема простор за паника. На штрек полицијата, армијата, центарот за управување со кризи. Како да се заштитиме од корона вирусот?

Во 24 Отворено дебатираат: Mинистерот за здравство Венко Филипче, лекари и претставници од Центарот за управување со кризи.


Власта маршира за правда, опозицијата во катарза на внатрешните поделби. Може ли во предвечерие на изборите - Заев да ги испорача ветувањата за правда? Mоже ли Мицкоски да прикаже поинаков пристап? Кој ќе ја добие битката за неопределените – тој ги добива изборите.

Во 24 Отворено со Драган Данев, ВМРО-ДПМНЕ, Мухамед Зекири, СДСМ, новинарите Сашо Ордановски и Предраг Димитровски.


Пратениците го играат последното танго во македонскиот парламент. Почна со големи надежи за воспоставување на правдата по 27 април, завршува во атмосфера на неказнивост и непринципиелни компромиси. Законот за јавно обвинителство – бомбите одат во историјата, а каде ќе одат криминалците? Има ли алтернатива за ликот на македонската правда?

Во 24 Oтворено со професорката и борец за правда, Мирјана Најчевска, екс-министерот, Михајло Маневски, адвокатката Сузана Јошевска и професорката Арта Биљали Зендели.


Избори или одложување? Законот за Јавно обвинителство во менгеме меѓу власта и опозицијата. Правдата никаде ја нема, кој ја бара, а која бега од неа. Се ризикува ли повторно евроатланската иднина на земјава?

Во 24 Отворено дебатираат членовите на работните групи на власта и опозицијата, Соња Мираковска од НСДП, Панче Тошковски од ВМРО-ДПМНЕ, Нора Исмајлоска од Независната пратеничка група и Слаѓана Тасева од Транспаренси интернешнл.